Löng helgi með svipuðu sniði og undanfarin ár. Nánari lýsing á ferðinni er hér að neðan. Allar nánari upplýsingar gefur umsjónarmaður ferðarinnar. Ferðin er fyrir tví-, fjór- og sexhjól. Hægt er að varpa fram ábendingum á spjalli félagsins.

Erfiðleikastig: Miðlungserfitt. Allir ættu að finna eitthvað við sitt hæfi.

Þátttökugjald: Ekki vitað .

Umsjón: Jakob (tvíhjól) og Kristján (fjórhjól).

Skráning og þátttökugjald

Þeir sem ætla að taka þátt í ferðinni verða að skrá sig á vefnum, sjá neðst á þessari síðu. Til að skrá sig þarf að vera innskráður og borgandi félagi í Slóðavinum.

Seinasti skráningardagur er mánudagskvöldið 9. ágúst.

Undirbúningsfundur

Þriðjudaginn 10. ágúst verður haldinn undirbúningsfundur þar sem farið verður yfir ferðatilhögun. Það er nauðsynlegtt að þátttakendur mæti á þennan fund. Fundurinn hefst kl. 20:00 í húsakynnum Arctic Trucks, Kletthálsi 3.

Hjólasvæði

Ekki hefur alveg verið gengið frá því hvort að hjólað verði á og í kringum Melrakasléttuna eða hvort að farið verði á Fljótsdalsheiðina. Þetta kemur í ljós fljótlega.

Vegalengdir og bensín

Gerum ráð fyrir að hjóla um 150-300km á dag. Ferðirnar verða skipulagðar þannig að allir séu upplýstir um vegalengdir og bensínstopp.

Gisting, matur og annar búnaður

Fyrir hvern er ferðin?

Ferðin er aðeins fyrir félaga í Slóðavinum, og ætluð öllum hjólum. Athygli er vakin á því að aðeins mótorhjól með ljósabúnað og númeraplötu á hjólinu fá að taka þátt í viðburðinum. Þessum skilyrðum er fylgt eftir og verður þeim hjólurum vísað frá sem ekki uppfylla þessar kröfur félagsins.

Skipulag túranna

Þátttakendum verður skipt upp í litlar sjálfstæðar einingar, og því þarf engin að hafa áhyggjur af því að lenda í 30manna hjólahóp. Skipulag hjólatúranna verður nánar útfært á undirbúningsfundinum.

Almenn tilmæli

Við gerum ráð fyrir að þátttakendur í ferðinni séu á skráðum og tryggðum hjólum, beri númeraplötur á hjólinu, hafi aldur til að hjóla, séu með standara, framljós og klæðist öryggisfatnaði.