Ég vil þakka mikil og jákvæð viðbrögð við styrktar/skemmtikeppninni næstkomandi sunnudag.

Hvað varðar undirbúning fyrir keppnina þá fór ég á Bolaöldu síðastliðinn laugardag og lagaði hluta af keppnisleiðinni sem keppt verður í á traktornum með flaghefilinn aftan á. Á mörgum stöðum þurfti að fara nokkrar ferðir til að laga skurði sem myndast hafa í gegn um árin eftir mikla notkun og vatnsskemmdir. Ég teiknaði fríhendis inn leiðina sem keppt verður í inn á mynd sem ég átti af slóðakerfinu á Bolaöldum fyrir þá sem átta sig á þessu.

Um næstu helgi, sunnudaginn 11. júlí fer fram skemmtikeppni til styrktar Hirti L. Jónssyni. Keppnin er ætluð öllum og verður með nýstárlegu móti þar sem menn verða dregnir saman í tveggja manna lið og reynt að jafna liðin eins og hægt er þannig að vanur hjólari/keppandi er settur með óvönum hjólara og er markmiðið að allir hjóli á sínum hraða og skemmti sér hið besta og allir sitji við sama borð. Hlaupastartið verður endurvakið og bryddað upp á ýmsu óvenjulegu. Allir velkomnir, vanir, óvanir, konur, börn niður í 12 ára á 85 hjólum og fjórhjól en hjól verða að vera skráð og tryggð og ökumenn verða að klæðast öllum öryggisbúnaði. Brautin verður öllum fær og liggur um neðra svæðið í Bolaöldu. Við hvetjum alla til að taka þátt í fjörinu og styðja gott málefni í leiðinni.

Skráning fer fram HÉR og er hafin. Skráningunni lýkur kl. 23.59 á föstudagskvöldið 9. júlí.

Fjölskyldudagur Slóðavina fór fram í gær i Bolaöldum á svæði Vélhjólaíþróttaklúbbsins VÍK í frábæru hjólaveðri í gær. 5 þrautir voru í gangi yfir daginn og dreifðist þáttaka vel í þær svo það var mikið að gera á öllum stöðum í einu og mátti sjá mikla einbeitingu hjá þeim sem tóku þátt.

Á vef Umhverfisráðuneytisins kemur fram að vinnu við kortlagningu vegslóða í samvinnu við sveitarfélöginu gangi vel.  Skv. fréttinni er ætlunin að fljótlega í haust verði gefin út reglugerð sem taki af öll tvímæli hvað sé vegur og hvað ekki á miðhálendinu.  Vegna þess verklags sem viðhaft er í þessari vinnu er ljóst að veruleg fækkun verður á löglegum vegslóðum, og gildir þá einu hvernig yfirborð og eðli þeirra er.

Fjölskyldudagur Slóðavina verður haldin næstkomandi sunnudag, þann 27 júní, á félagssvæði Vélhjólaklúbbsins VÍK í Bolaöldum móts við Litlu Kaffistofuna.  Nú er um að gera að taka daginn frá, mæta með góða skapið(og smá keppniskap líka) og eiga glaðan dag með okkur. Allir leikir sem farið verður í taka mið af yngstu ökumönnunum okkar og því eru foreldrar kvattir til að mæta með alla fjölskylduna. Að venju verður byrjendabrautin opin. Allir leikir dagsins fara fram í kringum félagsheimilið. Allar nánari upplýsingar veitir Dóri í síma 896-4965.